Nabanggaan sa auto ang usa ka motorsiklo mga pasado alas 6:00 ang takna kagabie.  Kini human nga mitabok ug mihunog sa tunga nga bahin sa highway diha sa Zone 3, Poblacion Opol, sa Misamis Oriental.

Naila ang mga biktimang sakay sa motorsiklo, ang driver nga 42 anyos nga si Tommy Omamos, minyo nga residenti sa Zone 1, Brgy. Malanang u gang angkas ni-ining si Brgy. Malanang Kapitana Nilda Zapra, 50 anyos nga residenti sa Citi Homes sa mao ra usab nga Brgy.

Naila ang driver sa autot nga 63 anyos nga si Elvis Garrido, minyo nga taga Southview Homes, Brgy. Macasandig ning syudad sa Cagayan de Oro.

Matud pa sa report ni Police Staff Sargeant Daryl Cariliman, ang Traffic Investigator sa Opol PNP, nagdagan ang auto nga gimaneho ni Garrido gikan sa Laguindingan ug padulong kini sa syudad sa Cagayan de Oro.

Nasayran nga paghidangat ni-ini sa nahitaboan sa maong insidenti, wala ni-ini nakita nga naa na sa tunga nga bahin sa dalan ang motorsiklo tungod sa nasulaw kini sa mga suga sa mga dagkong sakyanan nga kasugat ni-ini.  Maoy hinungdan nga ulahi na ni-ining natamakan ang preno sa iyang sakyanan ug nakabangga na kini sa motorsiklo.

Nakaangkon sa injuries sa nagkadaiyang parte sa lawas ang mga biktima ug dali silang gidala sa Northern Mindanao Medical Center kon NMMC sa Cagayan de Oro aron maatiman sa mga attending physician.  Samtang nakaangkon sa pagkakumi ug garas ang motorsiklo ug auto nga ang competent auto mechanic lamang ang makadetermina kung pilay magastos sa damyos sa maong insidenti.

Posibleng mag-atubang sa kasong reckless imprudence resulting to physical injuries and damage to property ang driver sa auto.

Hinuon kamulo ang amicable settlement karon sa isig kabahin sa suspetsado ug biktima aron matagaan sa igong aksyon ang maong panghitabo.

Kasama mo sa Opol PNP, RadyoMaN Andy Coco, DXCC Tatak RMN!