General Santos City—Patay ang usa ka 8 anyos nga batang babaye nga itago lang sa pangalang Alias Ara, residenti sa 39.2, FVR Vill., Barangay Fatima, Gensan human kining gilugos sa suspek nga si Mark Engkong, nga taga Malapatan, Sarangani Province ug temporaryong nagpuyo sa 39.2.
Sumala ni Police Sr. Inspector Fernando Manuel, Hepe sa Police Station 7 nga una nang mireport ang mga ginikanan sa bata ngadto sa ilang buhatan human nga wala kini makauli sa ilang balay sukad pa alas 9:00 sa gabie niadotng Hwebes.
Tungod niini gilayon silang naghimo ug imbistigasyon diin ilang gisubay ang gisulti sa iyaan sa biktima nga si Engkong maoy uwahing nakauban sa bata. Ilang giimbitahan si Engkong sa buhatan sa Police Station 7, diin human sa gihimong enterogasyon giangkon sa suspek nga siya sayod kung hain ang patayng lawas sa biktima.
Didto iyang gitudlo sa bagnutan nga bahin sakop sa Banisil Ranch nahimutang ang patayng lawas sa biktima. nasayran nga gitabunan pa ug dagkong bato ang lawas sa 8 anyos aron nga dili kini makit-an.
Samtang sa pakighinabi sa RMN News Team ngadto saĀ suspek gihimakak sa niini nga syay nipatay sa biktima. sumala niya nga ang iyang kauban nga si Reymond ug laing usa pa ka suspek ang mipatay sa biktima.
nasayran nga nakig-inum matud pa si Mark sa mga uyuan sa bata sa 39.2, dihang pauli na unta kini uban ang bata, iyang nahinagbuan ang duha ka suspek ug ilang gidala matud pa ang bata sa bagnutang bahin sa Banisil Ranch ug didto gihimo ang pagpanglugos ug pagpatay sa biktima.
