Bukidnon – Miabot na sa walo ka mga gituohang sakop sa New Peoples Army kon NPA ang nadakpan sa Bukidnon Provincial Police Safety Company ug 1st Special Forces Batallion ng Philippine Army sulod lamang sa pila ka bulan.
Labing ulahi niini ang tulo nga nadakpan sa Barangay Licoan, Sumilao, Bukidnon.
Sa interview sa RMN Malaybalay ngadto kang PSI Jessel Longakit ang spokesperson sa Bukidnon Provincial Police Office kon BPPO nga nadakpan kini atol sa gihimong combat operation sulod lamang sa pila ka bulan human nga gipatuman ang martial law sa Mindanao.
Nanghinaut usab si Longakit nga magpadayon ang kooperasyon ug tabang sa publiko ngadto sa mga otoridad.
Sa managbulag nga interview sa RMN Malaybalay ngadto kang PNP regional Spokesperson PSupt. Lemuel Gonda, gibutyag niini nga padayon ang ilang target hardening measures ilabi pa ug gideklara sa walhong pundok ang opensiba batok sa kapulisan ug kasundaluhan.
Apil matud pa sa ilang gibantayan ang mga mudos operandi sa mga NPA.
Dili matud pa sila mo responde panahon sa kagabhion bisan ug adlawan sa mga dapit nga gisutang daghang presensiya sa mga walhong pundok.
