Mukabat na matud pa sa 8 ang namatay sa probinsya sa Bukidnon tungod sa gituohang dengue sukad kaniadtong Enero 2019 hangtod Hulyo 15 ning tuiga.
Sa interview sa RMN Malaybalay ngadto kang Gabriel Jay Pagote, ang Provincial Dengue Coordinator sa Provincial Health Office – Bukidnon gibutyag niini sa maong ihap, usa niini gikan sa lungsod sa Cabanglasan, 1 sa Kadingilan, 2 sa Maramag, 1 sa Quezon ug 3 sa Valencia City.
Matud ni Pagote nga daghang kaso ang natala sa edad nga 10 hangtod 14 anyos.
Gipasabot niini nga ang pinakataas san a-apektuhan sa suspected dengue ang mga kabataan nga anaa sa elementary.
Nasayran nga Enero 2019 hangtod July 15, 2019 anaa na sa 4,534 ka kaso sa gituhuang dengue sa probinsya sa Bukidnon.
Facebook Comments
