Kapin sa 805 ka karton (boxes) sang peke nga sigarilyo ang na-recover sa raid nga ginpatigayon sang BIR kag CIDG, kahapon sang hapon sa Bodega 23 sa BREDCO Port, Reclamation Area, syudad sang Bacolod.
Ang operasyon ang ginpatigayon sang Bureau of Internal Revenue kaupod sang CIDG sa diin may nabaton sila nga reklamo nga ginpadalangat sa ila central office nga may yara sang mga PEKE nga sigarilyo sa amo nga warehouse.
Suno kay BIR Regional Director – Antonio Jonathan Jaminola nga kapin sa 14 milyones pesos ang balor sang kantidad nga madula sa gobierno sa ti-on nga makalab-ot sa merkado ang mga peke nga sigarilyo.
Magapadayon ang ila nga inventory subong nga adlaw kon pila gid ang balor sang ila mga recoveries.
Magluwas sang kinarton nga mga sigarilyo, na-recover man ang kapin sa 700 ka mga filter cases.
Samtang, sa report nga nabaton sang RMN-DYHB nga Chinese ang naga-arkila sang amo nga warehouse sa diin padayon pa nga gina-verify ang identity sang tag-iya sang mga peke nga sigarilyo.
