Gihatagan sa tabang pinansyal gikan sa kagamhanang lokal ning syudad ubos sa administrasyon ni Mayor Oscar Moreno ang 82 ka mga miyembro sa Pantawid Pamilyang Pilipino Program kon 4Ps.
Ang maong mga 4Ps members nakadawat og tag 1,500 pesos matag usa niadtong Huwebes.
Gitunol ang tabang pinansyal pinaagi nilang Bise Mayor Joaquin ‘Kikang’ Uy, CSWD officer Teddy Sabuga-a Jr. ug CID Head Marisa Tagarda, kauban sila Kagawad Edna Dahino, Reuben Daba ug Enrico Salcedo.
Tumong sa pagtabang sa mga 4Ps members nga makasugod sila og ginagmay’ng negosyo human mipa-ubos sa skills training gikan Hulyo hangtud Nobyembre, 2018.
Nasayran nga ang maong mga 4Ps members malampusong nakapasar sa NC 2 competency exam sa TESDA human gi-train sa short-term course nga cookery, housekeeping ug welding.
