84 ka mga bag-o nga pangalan sang gina-alegar drug personalities nga ginhulog sa mga drop boxes, nakolekta na sang Roxas City PNP

94

Roxas City, Capiz – Naglab ot na sa 84 ka mga pangalan sang mga persona nga gina-alegar imbolbado sa iligal nga droga ang nakolekta sang Roxas City PNP nagikan sa mga drop box nga ila ginpahamtang sa mga kabarangayan sa syudad sang Roxas may kaangtanan sa Oplan Tokhang Reboot.
Suno kay Police Superintendent Dante Tayco, hepe sang Roxas City PNP, nga igapaidalom pa sa validation ang amo nga mga pangalan. Ginpahayag man sini nga may pila sa mga drug personalities nga una na nga nag-surrender sa Oplan Tokhang sang mga kapulisan apang liwat nga nagtuhaw ang ila pangalan kag ginhulog sa drop box.
Wala man ginadula ni Tayco ang posibilidad nga ang iban sa mga naghulog sang pangalan sa drop box ang may personal nga kaakig sa iban nga persona. Nahibaluan nga nagsugod ang Oplan Tokhang Reboot sang nagligad nga bulan sang Agosto sa sini nga tuig.

Facebook Comments

From Advertisers