BACOLOD CITY – Lima ka adlaw antes ang pagsaulog sang bag-ong tuig, may isa ka bata nga nalukpan sang Piccolo kagab-i sa Brgy. Taculing diri sa ciudad sang Bacolod.
Ang biktima isa ka 9 anyos nga bata nga lalaki, residente sang Bangga Cory, Brgy. Taculing, Bacolod City.
Suno sa amay sang biktima nga may mga las 8 kagab-i sa ila man lamang balay, nagsindi sang piccolo ang amo nga bata apang wala niya ini gilayon nga nahaboy gani ini ang naglupok sa iya tuo nga kamot.
Gindala sa Corazon Locsin Montelibano Memorial Regional Hospital ang biktima agud gilayon nga madapatan sang bulong./dyHB BACOLOD
Facebook Comments
