GUIHULNGAN CITY, NEGROS ORIENTAL – (Update) Nagresulta sang kamatayon sang lima ka mga suspek ang ginpatigayon nga simultaneous drug operation sang pulis sa nagkalain lain nga bahin sang Guihulngan, Negros Oriental sini gid lamang nga aga.
Ang police operations ginpatigayon sa pila ka mga kabaranggayan sa Guihulngan City pinaagi sa kapin 100 ka search kag warrant of arrest nga gin-serbe batuk sa mga suspek.
Sa ginpatigayon nga drug operation sang PNP kag Armed Forces of the Philippines, ginpahayag nga nagbato ang lima ka mga nagkalamatay sang gin-serbihan ang mga ini.
Gindala sa istasyon sang pulis ang bangkay sang mga nagkalamatay, samtang ang mga nadakpan naman ang yara na man sa custodial facility sang Guihulngan City Police Station para sa nagakaigo nga disposisyon./ Choy Gallarde photo
