General Santos City–Mukabat ngadto sa 31 ka pamilya ang nawad-an ug panimalay sa Solidad State, Zone 5 Extension, Barangay City Heights ning syudad human nga gi-demolish sa mga personahe sa City Housing pinasikad sa usa ka court order nga gipagula sa korte.
Sumala pa sa usa ka Madona Romano, kansa upat na ka dekada nga nanimuyo sa maong lugar nga dawat na nila ang ilahang gidangatan tungod kay aminado sila nga gipapuyo lang sila sa kanhing tag-iya sa maong luna isip mga trabahante.
Apan ang panawagan lang niini nga kung mamahimo mahatagan usab sila ug gamay nga kunsiderasyon bisan paman ug gamay nga kantidad sa kwarta aron lang nga aduna silay magamit ug makapangita ug kabalhinan tungod kay sa karon wala gayud silay lugar nga adtuan. (Dave Silagan)
