Kalibo, Aklan — Indi pa makaron maka move on ro sangka misis matapos nga ginhana nga takawon ro anang baby kahapon sa may Sitio Guba, Brgy. Tigayon, Kalibo, Aklan.
Sa panaysayon it sangka 29-anyos nga misis nga kahapon hay gin aywanan nana ro anang baby sa kuna (crib) nga nakabutang sa andang balkon ag dayon nga nag-adto sa CR.
Sa anang pagbalik ana nga nakita rong sangka uwa makilaea nga babaye, nga naka helmet it puea, naka mahaba it saewae ag naka jacket nga ginahana nga hakwaton ro anang baby nga nakabutang sa kuna.
Nagsinggit ro nasambit nga misis ag nahabatian ku babaye rason nga dali-dali ra imaw dumaeagan ag insigida nga sumakay sa motorsiklo nga naga hueat kana sa guwa kung sa siin ro nasambit nga motor hay gina maneho it uwa man makilaeang eaeaki nga naka helmet it itom ag madasig nga pumaeagyo.
Sa makaron hay padayon pa raya nga gina imbestigahan ko mga kapulisan.
