Ipagawas na sulod sa duha ka semana sa Philippine Drug Enforcement Agency o PDEA ang ngalan sa 93 ka pulitiko nga nalambigit sa operasyon sa illegal nga droga.
Sa usa ka press conference, gibutyag ni PDEA Director Aaron Aquino nga subling gipaubos sa validation sa upat ka ahensya ang narco list.
Matud pa ni Aquino, halos katunga o mokabat sa 60, puros mga mayor, dunay pipila ka vice mayors ug mga kongresista.
Lakip sa mga narco politicians, gikan sa Region 4A, Region 10 ug Autonomous Region in Muslim Mindanao o ARMM.
Gidugang niini nga halos kadaghanan sa nasa narco list, nasayod nga naa sa listahan.
Gani, dunay mga pagsulay nga gihimo aron limpyohan ang ilang pangalan kang Presidente Duterte samtang ang pipila nga taga Mindanao gikasuhan na.
Facebook Comments
