Gibutang na sa heightened alert ang tibuok pwersa sa Philippine Coast Guard karong nihapak ang dautang panahon tungod sa pasulod nga bagyo.
Matud ni P-C-G Spokesman Captain Armand Balilo nakig-coordinate na sila sa Philippine Port Authority, Marina ug PNP partikular sa mga tag-iya sa mga sakyanan pandagat aron hatagan og pahimangno ang mga gapalawod tungod kay nakasinate og dagkong balod tungod sa dautang panahon.
Gipasabot ni Balilo importante nga mag-amping sa pagbiyahe sa kadagatan aron malikayan ang bisan unsang mga mahitabong trahedya.
Gitambagan usab ni Balilo ang mga gabiyahe nga sayron kanunay ang kahimtang sa panahon ug makig-coordinate lamang sa pinakaduol nga Coast Guard Unit kalabot sa biyahe sa barko o motor bangka ug sa mga dugang pangutana pwedeng motawag sa Coast Guard Hotline 09177243682.
