JUST IN. 9 million pesos nga balor sang suspected shabu, narecover sang Police Station 3 sa buy bust operation sini lang nga gab-e.
Bacolod – Kapin sa 600 gramos nga balor sang suspected shabu ang narecover sa buy bust operation sang Police Station 3 sa Bangga Subay, Barangay Banago, Bacolod City sini lang nga gab-e.
Ang subject ang nakilala sa kay Sunny Capa alyas “Blut” , isa ka high value target kag anay drug surrenderee.
Suno sa hepe sang Police Station 3 – Major Ruel Culanag nga wala sila nag-expect nga tuman ka daku sang suspected shabu ang ila ma-recover subong nga gab-e.
Dugang pa ni Culanag nga ila pa gina-verify kon sa diin nga grupo, konektado si Capa.
Naglabot sa kapin 610 gramos ang kabug-aton sang ilegal nga droga nga na-recover sa diin may yara ini sang market value nga kapin 9.1 million pesos (P9,100,000).
