Abnormality sa linya sa kuryente ang hinungdan sa pagkasunog sa panimalay kagabei ni Konsehal George Goking ning syudad.
Kini ang gibutyag ni SFO3 Samson Villarde, ang Chief sa Bureau of Fire Protection kon BFP Carmen.
Matud ni SFO3 Villarde nga dinhi nakatutok karon ang ilang imbestigasyon apan ila pang gipalawman ang pag-imbestiga sa hitabo pinaagi sa pagpasusi sa mga expert nga professional engineers.
Dugang pa ni SFO3 Villarde, gipaubos na ni Konsehal Goking og re-wiring ang iyang panimalay apan wala gihapon napugngan ang insidente.
Kung ang nabutangan sa usa ka receptable o bulb socket sa usa ka panimalay, anaa sa giingon nga ‘’sunogable’’ nga mga materyales sama sa plywood, usa kini nga magresulta sa sunog.
Matud ni SFO3 Samson Villarde, ang Chief sa Bureau of Fire Protection kon BFP Carmen, ang mga gagmay nga abog sulod sa kisame sa balay ang dali nga makapahaling sa kalayo.
Dugang pa ni SFO3 Villarde, nga na-declare nila nga fire out ang panimalay ni Konsehal George Goking alas 8:20 kagabei apan miabot pa sila og tungang gabei sa area tungod kay wala nila kini biya-i hangtud nga aduna pay makita nga aso sa area.
