Davao City – Dili madawat sa Gabriela Partylist ang kamanduan sa Commission on Higher Education (CHEd) nga tanggalon ang ‘Filipino’ ug ‘Panitikan’ (Literature) subjects diha sa General Curriculum sa college education.
Ang pagwala ning duruha ka mgta asignatura diha sa curriculum sa kolehiyo makawagtang sa nasyonalismo sa mga kabatan-onan, sumala ni Gabriela Rep. Emmie De Jesus.
Ang maong mga subjects bugtong pamaagi aron ang mga kabataan mahimong nasudnon ug makatuon sa paghigugma sa yutang natawhan, dugang ni De Jesus.
Pito ka sakop sa academe, sector of education, mga ginikanan, ug senador ang miduso og petisyon sa Korte Suprema aron kwestiyonon ang direktiba sa CHED nga tanggalon ang Filipino ug Literature.
Ang CHEd Memorandum Order No. 20 Series of 2013 nakasupak sa mandato sa Komisyon ng Wikang Pilipino, Education Act ug organic act sa National Commission for Culture and the Arts (NCCA).
Gibasura sa Korte Suprema ang punto sa mga kritiko ug gipaboran ang CHEd nga wad-on na ang Filipino ug Literature subjects diha sa General Education Curriculum sa tertiary level kay duplikasyon na kini sa K-12 eductional system.
Dugang ni De Jesus nga dili makatarunganon ang pagbasura sa nasangpit nga petisyon diin nabalaka kini nga basin hingpit nang mawala sa pagbati sa mga estudyante ang pagkanasudnon ug pagkamahigugmaon sa nasud.
RadyoMaN Joel Viray
