Ginapasiguro sang acting General Manager kag Project Supervisor sang Central Negros Electric Cooperative (CENECO) nga indi ma-privatize ang electric cooperative sa iya nga pagpamuno.
Ini ang pagpasiguro ni Atty. Dan Pondevilla bangud sa karun may yara sang pribado nga entity nga nag-apply sa Kongreso sang prangkisa para sa tanan nga electric cooperatives sa Negros Island.
Bangud sini, gintukod ni Atty. Pondevilla ang Negros Electric Cooperative Association (NECA) sa diin siya ang presidente kag sila ang hugot nga nagapamatok sa privatization sang mga electric cooperatives sa isla sang Negros.
Pahayag pa ni Pondevilla, kun ma-privatize na ang mga electric cooperatives, mangin profit oriented na ini gani magasaka pa gid ang balayran sa kuryente.
[image: image.png]
