Kalibo, Aklan – Ginbisita ni National Electrification Administration (NEA) Administrator Edgardo R. Masongsong rong probinsya it Aklan para nga tan-awon rong sitwasyon ko sakop it Aklan Electric Cooperative (AKELCO) matapos rong pagpanaeasa it Bagyong Ursula.
Suno kay Administartor Masongsong nga may mga nagkaeasamad man nga linya it mga kuryente sa syudad it Iloilo ag Roxas pero rong probinsya it Aklan ro nakaangkon it mas grabeng halit.
Ginpahayag pa gid ni Masongsong nga may kapin 55 ka mga lineman rong maga abot para nga magbulig sa AKELCO. Ro nasambit nga mga lineman hay halin sa Cebu Electric Cooperatives nga CEBECO 1, CEBECO 2, CEBECO 3.
Dugang pa gid nana nga ro mga tagsa-tagsa ka mga electric cooperatives nga magabulig sa AKELCO rong nag sabat it andang expenses paadto iya.
Naging kaibahan ni Masongsong sa pagbisita iya sa Aklan sanday OIC-Director it NEA-DRRMD Engr.Federico Villar ag Engr.Bonifacio David it Engineering Department.
Samtang target man nga mapahayag tanan rong mga lugar sa Aklan ag Antique sa Pebrero 9, 2020.
