Gipaningkamutan karon sa Regional Veterinary Quarantine sa Bureau of Animal Industry nga dili makasulod ang African Swine Fever sa Region 10.
Kini ang gibutyag ni Dr. Imer Dante B. Occeña Regional Veterinary Quarantine Officer atol sa talakayan sa Phil.Information Agency karon lang hapon.
Giklaro niini nga simbako makasulod ang ASF sa region 10 dako kinig kadaot ug problema nga ihatag sa kinatibook.an bisan paman og dili kini maka.apekto sa tawo sa rason nga magkulang na unya ang supply sa pagkaon.
Pahimangno usab ni Dr. Julesben Cesar Maquiling sa Dept. of Agriculture 10 Veterinary Officer nga dili mag panic kay luwas ang rehiyon sa ASF ug unsa may mamatikdan sa binuhing baboy e.report gilayon kini sa mga local agricultural offices aron matabangan sa angayang buhaton.
Dugang pa niini nga hugtanong ipatuman ang biosecurity measures. Samtang gibutyag usab ni Dr. Benjamin Resman ang Mis. Or. Veterinarian nga sa lalawigan nag tinabangay na ang mga commercial hog raiser ug backyard hog raiser aron dili gyud maka sulod ang asf sa lalawigan gani matud pa ang commercial hog raiser ang gapanghatag nag dis infectant sa mga backyard hog raiser.
Panawagan usab ni Dr. Lucein Acac ang Cagayan de Oro City Veterinarian nga dili lang gyud pakan.on ang mga binuhing baboy og pasaw sama sa panawagan ni DA Sec. William Dar ug luwas pa ang syudad sa ASF.
