PONTEVEDRA – Dakop sa ginpatigayon nga buy bust operation sang Pontevedra Police Station sa pagpamuno sang hepe sini nga si PSInsp. Rhojn Darell Nigos si Elizalde Claveria, 34 anyos, isa ka agi kag pumuluyo sang Barangay Roberto Salas Benedicto, La Carlota City.
Ang buy bust operation ginpatigayon sa Sitio Cahil, Barangay Don Salvador Benedicto, Pontevedra pasado las 9 kagab-i, Nobyembre 14.
Nakuha sa posisyon ni Claveria ang pito ka sachet sang suspected shabu paagi sa buybust money nga P500 pesos.
Nakuha pa gid sa iya posisyon ang isa ka lighter nga iya ginagamit sa pagrepack sa shabu.
Si Claveria ang ginakabig Top 3 drug personality sang La Carlota City Police Station, samtang Top 2 naman ini sa Pontevedra Police Station.
Base sa pagpangusisa ni PSI Nigos pila sang iya customer amo ang mga menor de edad labi na mga kalalakin-an nga kun wala ini sang kwarta nga inugbayad sa shabu, sya naman ang nagapamintaha sekswal sa mga hubinis paagi sa paggamit sa ila.
Si Claveria ang magapangatubang sang kaso nga paglapas sa R.A 9165 kag karon nakahunong sa Pontevedra Police Station.
