Kalibo, Aklan–Emosyunal nga nagdangop sa Kalibo Pnp station ro sangka 20 anyos nga babaye matapos nga gindaea it agi nga si Alex de Guzman ro anang manghod nga si Marcon Elias Telic, 18-anyos.
Sa interview it RMN DYKR kalibo kay Miles Telic 20-anyos nga nakilaea eamang it andang pamilya ro suspek matapos nga nagpresentar raya nga magabulig sa andang tatay nga naospital bangud nagpakilaea raya nga sangka doctor sa america ag sangka negosyante.
Gindugang pa kara nga kat namatay ro anang tatay hay imaw man mismo ro nagtransaksyon sa sangka morgue ag nag utang it kabaong.
Gin-ibhan eamang it anang igmanghod ro nasmbit nga suspek sa pagpati nga magabulig raya sa pagasikaso sa mga kinahangeanon sa namatyan ku petsa 14 it Enero apang hasta sa makaron hay owa pa nakabalik.
Nasayuran nga nagpatigayon it follow up operation ro mga kapulisan matapos may nakaturo nga sa sangka bar raya nagatambay kaina it aga aga nga may kaibahang daywa pa ka mga agi apang owa raya maabutan.
Eubos man ro kakoeba it pamilya Telic matapos nga nagapangayo raya it P3000 para sa pagpa openline it sangka laptop kung sa siin sa oras nga raya hay pangutan-on kung siin si Marcon hay owa man raya it may ginapakita nga ligrato nga sa manaming kahimtangan ro 18 anyos nga eaeki.
Nasayuran nga mag euwas sa pamilya Telic maabu pa ro nabiktima ni De Guzman nga ginaeakipan it pagbudol budol sa sangka 23 yo nga eaeaki sa plaza ag kapaseawan nga makabayad sa GQ hotel it P25,000 sa 13 diyas nga pag check in kara.
