Gi-turnover sa Department of Agriculture ang Agricultural Machinery para sa Northern Mindanao diin una kining gipahigayon dinhi sa atong Probinsya sa Bukidnon.
Lakip nga benepisyaryo sa maong programa ang mga membro sa Bukidnon LGU farmers nga ilalom sa programang Rice Competitiveness Enhancement Fund (RCEF) Mechanization.
Ang pag turnover gi-pangulohan ni PHilMech Director IV, Baldwin G. Jallorina, PhD nga gi-ubanan ni Department of Agriculture (DA) USec. Zamzamin L. Ampatuan CESO I, Governor Jose Ma. R. Zubiri Jr. nga gi-representan ni Provincial Agriculturist Engr. Alson G. Quimba, 4th district Representative of Bukidnon Rogelio Neil P. Roque ug DA-X Regional Executive Director Carlene C. Collado, CPA sa Northern Mindanao Agricultural Crops and Livestock Research Complex (NMACLRC), Dalwangan, Malaybalay City, Bukidnon ni-adtong Agusto 18, 2020.
Ang maong gropo sa mag-uuma nga nakadawat sa libreng Agricultural Machinery mao ang San Martin North Main Canal Irrigators Association, Inc., Capuna Irrigator’s Association, San Juan – Impasugong La Fortuna Irrigators Association Inc., Nala Irrigators Association, Inc., Cabanglasan Net Working Community Association Inc., Veterans’ Plan Irrigators Association Inc., Araneta Farmers Agrarian Reform Beneficiaries Association. Multi-Purpose Cooperative, Combenio Saranay Muti-Purpose Cooperative, Pangantucan Rice Producers Association (PRPA), Incorporated, og Bagong Buhay Riceland Farmer Irrigators’ Association Inc. nga naka dawat ug nuebe (9) ka Four-wheel Tractor, kinse (15) ka hand tractor, walo (8) ka Floating Tiller, duha (2) ka Precision Seeder, upat (4) ka Walk-behind Transplanter, tulo (3) ka Riding-type Transplanter, upat (4) ka Reaper, unom (6) ka Combine Harvester ug upat (4) ka Rice Mill na mi kabat 41,460,000 ka pesos.
Ang mga benepisyaryo sa maong programa mao ang lehitimo, rehistrado, og aktibong myembro sa kooperatiba og asosasyon sa mga mag-uuma, adunay gipanag-iyahang yuta nga dili mo minus sa singkwenta (50) ka-ektarya nga humayan, duol sa mga barangay nga naay 100 o labaw pa ka-ektarya niini, naay abilidad nga mugamit ug magmentinar sa makinarya, naay bodiga para sa makinarya og andam motuman sa mga kasabutan ug pamalaod sa maong proyekto.
Sa nahimong mensahe ni Engr. Quimba, gusto niining ipaabot ang dakong pasalamat ni Governor Zubiri uban sa Probinsya sa Bukidnon ngadto sa mga kadagkuan sa Department of Agriculture.
Dugang niini, nagpahinumdom usab siya sa mga LGU farmers nga ampingan ang mga Agricultural Machinery ug gamiton sa sakto nga pamaagi para makaangkon pud sila ug kaharuhay sa pagpanguma.
