Kung sa miaging eleksyun mag lisud sa pagkuha ug mga lig-ong leader si Pangulong Duterte, apan karun gabaha ug gahinubra ang gusto mutapo sa kampo sa Pangulo.
Gani kaniadto panahon sa kampanya galisud sa pagpahigayun sa rally ang kampo ni Duterte kay babagan kini sa mga grupo nga nag suporta sa Liberal diha sa Agusan del Sur.
Miabot pa sa punto nga gipanglakat ang mga gipapilit nga campaign materials ni Duterte sa giingong supporters sa pikas nga partido.
Apan sugod kagahapon, nalahi na ang dagan sa pulitika sa Agusan Sur gumikan kay halos tanan Duterte na.
Kini human nga nanumpa pa kaganina ang mokabat kapin sa kwatro mil ka mga opisyal sa Probinsya sa Aguan del Sur gikan sa Barangay, Municipyo, Syudad ug Probinsya nga mitapon ug isip bag-ong membro sa Partido Demokratikong Pilipino – Lakas ng Bayan (PDP – Laban), ang partido ni Pang. Rodrigo Duterte.
Nanumpa ang mga opisyal sa Probinsya nga gipangunahan ni Gov. Eddie Bong Plaza ngadto na kang House Speaker Pantaleon Alvarez, ang secretary general sa partido.
Nasayran nga gawas kang Alvarez, misaksi sab sa maong oathaking sila si Davao City Congressman Cong. Karlo Alexei Nograles ug Oriental Mindoro Congressman Reynaldo Umali.
Nahitabo ang pagpanumpa sa Nalyagan ground, Capitol Compound, Patin-Ay, Prosperidad, Agusan del Sur.
Usa sa mitabang sumala pa sa mga Plaza na makatabok sa kampo ni Duterte mao ang usa ka ilado usab nga negosyante sa Davao nag suod sa pangulo.
Ang maong negosyante ang sumala pa misaksi usab kagahapon sa gihimong oath taking.
