Dismayado sa naging resulta it hampang nga Pencak Silat do pambato it Pilipinas nga si Cherry May Felicidario Regalado sa nagapadayon nga 2017 Southeast Asian Games sa Kaula Lumpur, Malaysia.
Daya mismo do anang ging paabot sa RMN-DYKR Kalibo matapos ro anang final round kahapon it alas-5 kontra sa Singapore, Thailand, Vietnam ag Brunei.
Suno kara nakabuoe it gold ro kontra nana nga Singapore samtang pareho eamang suno kara do andang score sa elimination ag nag-silver do Brunei nga lowest sa ana nga bracket.
Pumwesto eamang suno imaw sa 4th place ag bukon it patas do hinampang base sa ana nga pagpanan-aw.
Sa pihak kara, malipayon man gihapon do Aklanon beauty kontesera ag makaron hay madinaeag-on nga atleta sa anang naabot ag pagtao it dungog sa nasyong Pilipinas ag eabi eon sa Aklan.
Si Regalado hay unang nakasueod sa finals nga nakabuoe it score nga 457 kaibahan do Thailand nga may score nga 462 ag ro Malaysia nga may 442.
Samtang balik Pinas eon makaron do Pencak Silat player nga si Regalado kaibahan do pila pa ka mga pinoy athletes nga nagpakita man it andang kamayad sa 2017 Southeast Asian Games.
Do Pencak Silat hay kapareho it martial arts nga gina eaoman nga maiiba eon sa mga sports event ag sa masunod nga Rio Olympics.
