Kalibo, Aklan – May bag-o eon nga Provincial Director rong mga kapulisan sa Aklan.
Raya hay si Police Col. Esmeraldo Osia Jr., nga nagbueos kay Police Col. Lope Manlapaz nga naka kompleto eon it anang daywang dag-on nga pagpanirbesyo sa probinsya it Aklan.
Bago pa man na-assign si Osia sa probinsya it Aklan hay naging acting Provincial Director imaw it Guimaras it may sang buean, naging hepe man imaw it Regional Aviation Security Unit (AVSEU) sa Western Visayas.
Nag tapos imaw sa kursong Master in Public Management, Major in Development and Security from the Development Academy of the Philippines Graduate School of Public and Development Management ko 2016.
Ginpromote ni President Rodrigo Duterte sa Police Senior Superintendent ko 2017.
Suno kay Col. Osia anang igapadayon rong manami nga naumpisahan ni Manlapaz sa Aklan.
Samtang si Manlapaz hay ma-assign man sa Police Regional Office 6 sa Iloilo City.
Nagpaabot man it pagpasaeamat si Col. Manlapaz sa tanan nga pumueoyo it Aklan, mga stakeholders, ag mga kapulisan sa Aklan nga nagsuporta kana.
Gihimo rong turn-over of command kahapon it agahon sa Camp Pastor Martelino sa Brgy. New Buswang, Kalibo.
