AKLAN NEGATIBO SA RED TIDE

Kalibo, Aklan – Nagapabilin nga negatibo ro probinsiya’t Aklan sa red tide toxins.
Raya ro ging kunpirmar it Bureau of Fisheries and Aquatic Resources BFAR Regional Field Office VI ag
BFAR- Provincial Fisheries Office-Aklan.
Basi sa pinakaulihing BFAR Shellfish Bulletin No. 17 may petsa Hunyo 19, 2018, nagahambae nga rong
coastal waters it Batan Bay kamana man ro ana karang mga soe-uhan sa Aklan partikular sa banwa’t
Altavas, Batan, New Washington ag Sapian Bay sa Capiz eakip ro Mambuquiao ag Camanci, Batan, Aklan
hay nagapadayon nga owa it red tide toxins.
Bangud karon suno sa BFAR ro pagbooe, ro baligya ag pagkaon it ano man nga sahi it shellfish ag Acetes
sp. O sangka klasi it hipon nga halin sa ging mensyunar nga mga lugar hay safe gihapon nga kaunon.
Ginahimo it BFAR-Aklan ro regular nga laboratory examination sa mga shellfish nga halin sa mga coastal
waters It probinsiya , sa kabangdanan ngani nga una ro presensiya it paralytic shellfish poison o red tide
sa coastal waters it Biliran, Leyte, Surigao Del Sur, Tagbilaran City sa Bohol ag Honda Bay sa Puerto
Princesa, Palawan…