Dipolog City – Dead on arrival sa tambalaan ang usa ka lalaki motorista human maaksidente kagahapon, pasado alas 5:30 sa hapon sa may National Highaway, Barangay Minaog dakbayan sa Dipolog.
Giila sa kapolisan ang biktima nga si Raul Jasmine Diones, 47 anyos, minyo nga taga barangay Sicayab sakop ning dakbayan.
Subay sa inisyal nga imbestigasyon ni PO1 Rahjick Necesario, traffic Investigator sa Dipolog City Police Station, ang biktima nagmaniho kini sa iyang single motor Honda wave kolor pula ug itom kombinasyon gikan sa sentrong bahin sa syudad, paigon unta pauli sa barangay sicayab, apan paghidangat sa dapit, nilakag matud pa kini sa nagsiren nga ambulansiya nga dunay kargang pasyente.
Ang biktima nagsinumpot pagpadagan, wa ka matikod nga dunay nalawom nga portion sa dalan agi sa kinalotan sa raod widening sa highway hinongdan nalupad ang motor niini didto nisampak sa kiliran bahin sa kasugat nga Isuzu forward panel truck sa San Miguel beer nga gimanihoan ni Roel Eslit nga taga Barangay Galas.
Ang biktima wa gasul-ob ug protective helmet maayong pagkadakdak sa iyang ulo sa sementadong dalan.
Gisulayan pa unta kini dala sa personahe sarecue 117 ngadto sa Zamboanga Del Norte Medical Center apan gumikan sa dakong kadaut sa ulo gideklarar ni Dra. Cherrie Mata nga dead on arrival.
Ang patay lawas sa biktima gidala sa Villarin Funeral Homes sa Brgy. Gulayon ug giatiman na sa nahabiling pamilya.
