Naka-linyada eon do mga aktibidadis para sa Kalibo Sto. Niño Ati-Atihan Festival 2018.
Suno kay KASAFI Chairman Albert Meñez, pilang ka meeting eon do anda nga ging himo ag una eon kara para sa Opening Salvo sa Oktobre 19-20 makaron nga dag-on.
Sa maabot nga Enero 12 hasta 21, 2018 nga gina tawag nga festival week ro Lunes hay may unang mga sad-sad ag float parade ro adlaw man it Martes may una nga festival sound, Miyerkules nga adlaw may una nga Sinaot sa Kalye it DepEd, Huwebes nga adlaw may Higante Parade it LGU ag Biyernes hay may unang sad-sad para sa mga ga reunion.
Suno kara maga-abot man sa 40 ro mga partisipante nga tribo ag grupo para sa judging day sa January 20 ag ro kaadlawan sa January 21 may misa nga pagahiwaton ag prosesyon.
Ro festival sa masunod nga dag-on hay may mga pag bag-o kumpara ko mga nagtaliwan nga Ati-Atihan kaibahan eon do pagpatuman it maabo nga gina bawae bangod target it Kalibo PNP ro zero casualties.
