Kalibo, Aklan — Padayon makaron rong ginahimo nga imbestigasyon it Kalibo PNP angot sa alegasyon it sangka 19-anyos nga babaye nga imaw ginhimuslan it ginasugid empleyado ko munisipyo it sangka banwa iya sa probinsya it Aklan.
Sa inisyal nga pahayag nga gintao ni Police Senior Insp. Honey Mae Rosete-Ruiz, officer-in-charge it Kalibo Police nga base sa pagahayag it biktima nagkita ra sanda ko suspek sa Gaisano Capital Kalibo, pagkatapos ginpasakay sa tricycle ag may ginpahugom rason nga imaw hay nalipong ag dayon nga gindaea sa sangka hotel ag ginpatigayon rong paghimueos.
Magatao pagid it dugang nga detalye si Ruiz kon magpasugot eon ro biktima nga makatao it dugang impormasyon.
Sa makaron hay padayon pa rong imbestigasyon kara bangud nga uwa man naga santo rong unang pahayag it biktima ag ro sa makaron.
Nagapabilin man nga at-large rong suspek hasta sa makaron bangud nga indi raya ma locate sa anang naistaran.
