Alert level 4 itinaas ng DFA sa Tripoli, Libya

Itinaas na sa alert level 4 ang status sa Tripoli, Libya.

Ito ay dahil sa tumitinding kaguluhan sa nasabing bansa.

Ayon sa Department of Foreign Affairs o DFA, nangangahulugan ang alert level 4 ng mandatory evacuation.

Kabilang sa nasa alert level 4 maliban sa Tripoli ay mga lugar na nasa 100 kilometers nito.

Kabilang dito ang mga sumusunod:

East

1. Tajoura
2. Ghot Romman
3. Qaraboli
4. Qasr Khiyar

South

1. Esbea
2. Tarhuna
3. Bani Waled
4. Gharyan

West

1. Aziziya
2. Warshifana
3. Zawia
4. Surman
5. Sabratha

Matatandaang puspusan ang ginagawang panghihikayat ng Embahada ng Pilipinas sa higit 2,000 Pilipino sa Libya kung saan 1,000 dito ang nasa Tripoli para umuwi ng bansa.