Report ni: Jennifer Debaja Palomo
Nag-kampeon ang DIVAS SCC sa ginhiwat nga Cricket Hong Kong Development League sang Hunyo 3 sa Po Kong Village Reservoir Cricket Ground.
Gindeklarar nga Most Valuable Player of the Day si Jennifer Alumbro, 29 anyos sang Sitio Facultad, Brgy. Abaca, San Enrique, Iloilo nga nagdeliver sang 6 tanan ka sixes kag nag bowled out sang tatlo ka pangontra.
Anay varsity Softball player sang ISCOF San Enrique si Alumbro antis nag join sa DIVAS SCC matapos nag try out sang Mayo sang nagligad nga tuig.
Kaupod man ni Alumbro sa DIVAS SCC sanday : Josie Arimas sang Bacolod bilang Team Captain, Jona Eguid- Bacolod, Cecil Elleran -Guimaras, Emilie Mabaquiao – Guimaras, Manelyn Dela Cruz sang Panit an Capiz, Cherry Octaviano- Iloilo city kag Ely Quimpo sang Kalibo Aklan.
Nangin highest scorer si Alumbro sa kabilugan nga hampang nga may total 193 runs. Nag pangaduwa si DIVAS captain Josie Arimas nga may 189 runs.
Nag abot sa HK si Alumbro sang Hulyo 2015 kag tatlo na katuig nga naga obra bilang DH sa Hong Kong.
