BACOLOD CITY – Duha na naman ka mga lalaki ang na biktima sang alsa palda sa Bacolod City Public Plaza kagab-i kag sini gid lamang nga kaagahon.
Una nga biktima nakilala kay Guillermo Aguilar, 67 anyos ang edad, pumuluyo sang Brgy. Granada, Bacolod City.
Suno sa biktima nga samtang nagalakat ini sa dalan sang Cuadra-Gatuslao, may babayi nga nagpalapit sa iya kag nagpamangkot kon bala nagapangita ini sang babayi, dungan sa paghurikap sa iya.
Pila ka minutos ang nakaligad, natukiban na lamang sang biktima nga nadula na ang iya wallet na may unod nga 4 mil pesos.
Na-identify lang sang biktima ang suspek sa ngalan nga Alyas Ambok.
Sa pihak nga bahin, nabiktima man ang 21 anyos nga si Jobel Valdez, single kag pumuluyo naman sang Brgy. Sag-ang, La Castellana.
Sa iya pagpa-blotter sa Station 1, ginsiling sang biktima nga may mga la una kaina sang kaagahon samtang ini nagalakat sa dalan Locsin-Gonzaga, may nagpalapit man sa iya nga babayi, naghiram-hiram kag naghakos-hakos.
Pila ka minutos natukiban man sang biktima nga wala na ang iya wallet./dyHB BACOLOD
