Kamanghuran sa lima nga mag-maeanghod si Cherry May Felicidario Regalado nga pambato it nasyon sa Pencak Silat competition nga ging hiwat sa Kuala Lumpur, Malaysia kahapon.
Sa pakikipag-angot it RMN DYKR Kalibo sa ama ni Cherry May nga si Renato Regalado it Pook, Kalibo, ging hambae nana nga ro anang unga hay mabuot ag mabinuligon sa pamilya pati sa anang mga igmanghod nga may mga pamilya eon.
Suno pa kay Renato do ginakahilgan gid ko una it anang unga hay ro pag-intra sa mga beauty contest nga maabo eon man do mga dinag-an iya sa Aklan ag sa guwa it probinsya.
Nakibot eamang daya nga makara eon do naabot it anang unga sa pihak man it kalisod ko pamilya ag malipayon gid imaw bangod nga napili ro anang unga nga mag-representa it Pilipinas sa 29th Southeast Asian Games sa Malaysia bisan pa nga uwa nana kara hauli do bueawan nga medalya.
