[image: guilty.jpg]
Singkwentay dos ka tuig nga pagkabilanggo ang hukom nga gipaubos sa huwes sa Regional Trial Court Branch 23, Kidapawan City sa usa ka amahan ngadto sa iyang anak sukad nag-edad kini og 13 anyos pa lang.
Ang desisyon gipakanaog ni Vice Executive Judge Jose Tanalgo Tabosares sa RTC Branch 23, niaging adlawng Biyernes. Ang akusado ug ang biktima wala na gihinganlan sa report sa media alang usab sa ilang proteksyon.
Base sa desisyon ni Judge Tabosares ang akusado guilty beyond doubt og nag-atubang sa 3 counts of rape by sexual assault. Ang akusado makulong og 17 ka tuig ug upat ka bulan sa kada ihap sa kaso o 52 ka tuig nga pagkabilanggo.
Nahitabo matod pa ang krimen sa usa ka barangay sa siyudad sa Kidapawan kung asa ang amahan mismo ang suspek nga nilugos sa iyang anak. Unang insidente nahitabo niaging Pebrero 2012, nasundan niadtong Agosto 2013 ug ang ulahi niaging Oktubre 2013.
Wala dayon makasumbong ang biktimang bata tungod sa kahadlok sa iyang amahan nga sila patyon sa iyang inahan nga adunay sakit.
