Landing sa ospital ang isa ka amay matapos nga lab-on sang kaugalingon nga bata gamit ang samurai sa bahin sang Purok Rosas, Brgy. Dajay, Surallah, South Cotabato sang tinalikdan nga gab-i.
Ginkilala ang biktima kay Eduardo Niepes Paciete, 66-anyos kag residente sang nasambit nga lugar.
Samtang ang suspek nga bata ang ginkilala naman kay Jomarie Eucare Paciete, 38-anyos, panday kag residente man sang nasambit nga lugar.
Sa imbestigasyon sang Surallah MPS ang mag-amay ang nagainom-inom kag may-yara sang pagbaisay nga natabo nga nangin resulta sang pagpanglabo.
Nakaangkon sang pilas sa iya nga sag-ang ukon sa idalom nga portion sang iya nga bibig ang biktima.
Naaresto naman ang bata sini kag narekober man ang samurai nga may kalabaon nga 13.5 inches.
