General Santos City—Angol ang usa ka 22 anyos nga lalaki human kining gidunggab sa iyang amahan didto mismo sa ilang panimalay sa may Purok Balakayo, Barangay Olympog, Gensan alas 10:00 ang takna sa gabie, adlawng Domingo.
Giila ang biktima nga si Vincent James Oros, 22 anyos, residenti sa maong lugar.
Base sa pakighinabi sa RMN Gensan News Team ngadto sa biktima, iyang gibutyag nga hubog ang iyang amahan nga si Benerando dayon nagmaoy sulod sa ilang panimalay.
Giaway matud pa niini ang iyang inahan maong iya kining gibuyag. Inay mupatuo, nasuko na nuon ang iyang amahan ug siya gidunggab gamit ang kutsilyo.
Nakaangkon ug samad sa iyang likod ang biktima kansa gidala dayon sa Dr. Jorge Royeca Hospital, samtang ang suspek malampusong nadakpan sa kapulisan human nga gireklamo sa iyang asawa.
Sa karon nagpaalim nalang sa iyang samad ang biktima samtang gihuwat pa sa kapulisan ang desisyon sa pamilya kung ila bang pasakaan ug kaso ang suspetsadong amahan.
