South Cotabato – nagpadayon karon ang gihimong imbistigasyon sa kapulisan kalabutan sa nahitabong pagpamusil patay sa usa ka amahan sa kaugalingon niining anak didto sa Sitio Tabato, Barangay Lake Seloton, Lake Sebu, South Cotabato alas 7:30 sa gabie niadtong nakalabayng adlaw.
Nasayran ngapatay gyud si Junjun Tuan Manacof, 29-anyos, mag-uuma ug residente sa maong lugar. Sa inisyal nga imbestigasyon sa kapulisan, nasuta nga ayha nahitabo ang pagpamusil, nag inum pa ang biktima ug ang suspetsadong amahan niini nga si Tedie Manacof.
Nagbingkil ang mga nahisgutan samtang sila nag inum nga nisangko sa panaglalis. Wala kaagwanta ang amahan sa iyang kasuko sa iyang anak, nikuha kini ug pusil dayon gipusil ang biktima igo sa iyang dughan nga hinungdan sa iyang kamatayon.
Paspas usab nga misibat ang suspek sa wala sayring lugar, samtang ang biktima wala na madala pa sa ospital.
