ANG MGA SUNDALO UG PULIS NGA FRONTLINERS KANHI PANAHON SA MARAWI SIEGE, NAMALIGYA NA KARON SA MGA ROLLING STORES SA LANAO DEL SUR UG MARAWI CITY

70

Gikan sa pagka-frontliners sa Marawi siege niadtong 2017, nahimong frontliners pa gihapon sila karon, dili na sa gyera batok sa mga terorista, apan batok sa virus.
Imbes nga mga armas ug bala…… bugas, mga de-lata ug uban pang mga grocery goods ang ilang dala… dili aron ipanghatag, apan aron ibaligya.

Ingun niana ang nahimong trabaho karon sa pipila ka mga pulis ug sundalo sa Lanao del Sur.


Naglibot sila sa mga munisipyo aron magtindero ug mag-security sa mga rolling stores nga giandam sa probinsiyal nga kagamhanan sa Lanao del Sur, sa Department of Trade and Industry ug sa Lanao Chamber of Commerce.

Sakay sa ilang dakung police mobile ug military vehicle, kinahanglan nila, matud pa, nga motabang sa pagpamaligya sa mga nag-unang panginahanglanon sa publiko samtang gipailawon sa enhanced community quarantine ang tibook probinsya sa Lanao del Sur.

Matud pa ni Col. Jose Maria Cuerpo, pamaagi kini aron malikayan ang overpricing sa mga talipapa sa matag lungsod ug malikayan nga magdasok ang mga tawo sa mga merkado.

Giklaro usab ni Col. Madzgani Mukaram, director sa kapulisan sa Lanao del Sur, nga na-comply pa gihapon sa mga pulis ang gi-require kanila nga duty sa checkpoint bisan nga nagtabang sila sa mga rolling stores. (Divina M. Suson, Marawi City, April 1)

Photo courtesy: 103rd Infantry Brigade, PA/PPO LDS




Facebook Comments