Sarangani Province- Aprobado na miaging adlaw, atol sa regular sesyon sa Sangguniang Panlalawigan ang P1.147 Bilyon ka pesos nga Annual Budget sa Provincial Government sa Sarangani maoy pagagamiton sa musunod nga tuig Dos Mil Dise-otso (2018).
Segun ni Board Member Bobot Martinez, ang chairman sa komitiba sa finance, mga semana pud ang ilang gipahigayon nga marathon hearing mahan-ay lang ang maong budget. Og gani man, bisan may mga kausaban apan hanoy ra kining na-aprobahan kagahapon tungod kay napondohan ang angayang pondohan nga mga programa ilalum sa Sulong Sarangani flagship program ni Governor Steve Chiongbian Solon.
Usa kini sa pinakasayo nga pagka-aproba sa annual budget sa probinsya pinaagi sa Sangguniang Panlalawigan gipangunahan ni Vice Governor Elmer De Peralta og mga board member, maong lauman na sa mga Sarangan ang sayo usab nga pagpatuman sa mga proyekto og aktibidad sunod tuig, kaabag sila Senador Manny Pacquiao, Congressman Ruel Pacquiao og Pangulong Rodrigo Duterte.
