Kining beauty pageant ka level ni sa basketball ug boxing diri sa Pilipinas. Hisgotan gyud. Ug we take pride kung naay maangkon nga korona/trophy/belt alang sa nasud.
Laing korona napud ang naangkon sa Pinas! Murag pang buena mano alang sa mas sikat ug mas dugay na nga pageant nga mao ang Miss Universe. Labi na nga ang manok sa nasud nga si Binibining Pilipinas 2017 Rachel Peters kay nahimong early favorite sa maong competition.
Ang pambato sa nasud nga si Mary Eve Adeline Escoto maoy nakoronahan nga Miss Asia Global 2017 nga gipahigayon didto sa Kerala, India niadtong Martes, November 21.
Suma pa sa among source nga nakadaog pud ang Pinay beauty queen sa Best in National Costume, Best in Formal Wear ug Missosology Choice Award.
Weeks human sa daog sa Pilipinas isip Miss Earth 2017 ug Reina Hispanoamericana 2017, nakab-ot sad ni nga kadaogan. Ang dakong pangutana idol, makuha pud kaha sa Pinas ang most coveted crown nga Miss Universe 2017?
