On the spot, patay ang usa ka 27 anyos nga babaye ug samdan usab ang 8 anyos nga anak niini sa dihang gipusil sa wala maila nga riding in tandem sa nasudnong dalan sa brgy. Salvacion, Trento, Agusan del Sur niadtong adlawng Sabado. Giila ang biktima nga si Beverly Catalino, 27 anyos ug residenti sa maong lungsod. Sa imbistigasyon sa kapulisan nasayran nga gikan nangompra ang biktima sa merkado ug gisundan kini sa tulo ka riding in tandem nga mga suspek ug paghidangat sa P-1, brgy. Salvacion, gipusil ang biktima gamit ang kalibre .45 nga pistol igu sa likod nga bahin nga maoy hinungdan sa iyang kamatayon. Samdan usab ang iyang 8 anyos nga anak kinsa daling gidala sa Bunawan District Hospital ug anaa na karon sa luwas nga kahimtang.
Unang migawas nga impormasyon nga matud pa anti-mining activist ang biktima tungod sa iyang kampanya batok sa OZ Metals ug Agusan Petroleum sa probinsya sa Agusan del Sur, ingun man community leader usab kini ug aktibong kritiko sa mga paglapas sa tawhanong katungod, apan kining tanan gihimakak sa Trento Municipal Police Station.
Sent from my Samsung Galaxy smartphone.
