*General Santos City— Aminado si Gensan City Mayor Ronnel Rivera nga walay kapasidad ang lokal nga panggamhanan nga masuta kung scam o dili ang usa ka negosyo o investment nga naga-sulod sa dakbayan.*
*Apan gibutyag ni Mayor Rivera nga ilaha na karong ginahimuan ug pamaagi nga maka-mugna ug anti-scam office aron nga makahatag ug giya ngadto na sa katawhan.*
*Sa karon matud pa mas maayong mupasang-at nalang una ug kaso ang mga nahimong biktima aron nga matabangan nga mabawi ang ilahang mga na-invest nga nahagbong sa scam.*
*Nahi-ubos man usab si Mayor Rivera ngadto sa mga nahimong imvestor sa mga investment scheme gumikan dihang wala pa nabulilyaso ang operasyon, wala sila miduol sa lokal nga panggamhanan.*
*Apan sa karon nga daghan na ang nahimong biktima, karon pa miduol sa otoridad aron magreklamo luyo pa man sa makapilang adivsory ug pahimangno nga gipagawas.*
*Busa isip mayor uban ang city legal office, nagapangita na sila ug pamagi aron nga masayran kung scam o dili ang mga investment scheme.*
