Padayon ang ginapatigayon nga manhunt operation sang kapulisan matapos nga nakapalagyo sa Police Station 3 Custodial Facility ang apat ka mga priso pasado las dose sang kaagahon, Enero 6.
Ginkilala ang apat ka mga priso nga nakapalagyo nga sanday: 1.) Sunny Capa y Demara, 2.) Ely Lorence y Demadara, 22, tanan sang Prk., Mahimulaton, Brgy., Banago, 3.) Michael Peñoso y Pabalite, 25, sang Prk. Sigay Brgy. 2, Bacolod City may kaso sa iligal nga druga ukon pagbayolar sang R.A. 9165 kag 4.) Jeffrey Elangos y Villegas 38, sang Prk., Riverside, Brgy., Banago kag may kaso pagbayolar sang R.A. 7610.
Madumduman nga si Sunny Capa kag Ely Lorence ang nadakpan sadtong Disyembre 21, 2019 nga buy bust operation sang Police Station 3 sa Bangga Subay, Brgy. Banago kag nakuhaan sang kapin sa 9 milyones ka pesos nga balor sang shabu.
Ang apat ang nakapalagyo paagi sa pag-lagari sang kabilya nga rehas sang custodial facility sang Police Station 3.
[image: image.png]
