Patay ang apat ka miyembro sang pamilya, samtang isa ang pilason matapos paulanan sang bala sa Salunganan, Sitio Tuka, Barangay Datu Karon,Lebak, Sultan Kudarat sang Marso 29, 2022.
Ginkilala ni Police Major Joel C Martinez, Chief of Police sang Lebak Municipal Police Station, ang mga napatay nga mag-asawa nga sanday Jimmy Lapat Capiceño Sr, 59 –anyos kag asawa sini nga si Aida Kamaman Capiceño, 58 -anyos, kag ang mga apo nga sanday Jimmy Pakamanan Capiceño Jr, 12- anyos kag ang 9 –anyos nga si Esmairha Demonteverde Capiceño.
Suno kay PMaj Martinez, gintiro sa ulo ang apat ka biktima nga nangin kabangdanan sang ila hinali nga kamatayon, samtang nakaluwas naman ang isa ka biktima nga nakaangkon sang igo sa tiil.
Samtang nakit-an naman sang kapulisan ang isa ka 10-anyos matapos nga nauna nga nareport nga missing.
Pahayag ni PMaj Martinez, ang mga biktima ang lunsay mga residente sang Center 1, Barangay Taguisa, Lebak, Sultan Kudarat , samtang ang mga suspek ang ginkilala kanday Den Den Rakman Saludin, Dick Datumanong kag isa ka wala nakilal-an nga suspek nga armado sang M16 rifle nga gingamit sa pagpatay sa mga biktima kag lunsay mga miyembro ng 104th MILF.
Base sa imbestigasyon samtang yara sa payag ang mga biktima, nakita ni Jimmy Lapat Capiceño Sr. ang tatlo ka mga suspek kag gintawag sila agud tanyagan nga mangape.
Apang matapos nga magkape nagluntad ang insidente sa diin ginpangtiro sang mga suspek ang mga biktima.
Angot sini ginmando ni Police Brigadier General Alexander C Tagum, Regional Director sang PRO12 sa mga imbestigador sang Lebak Municipal Police Station nga makig-angot sa mga barangay leaders sa Datu Karon kag hingyuon ang ila nga bulig sa pagkilala sa mga suspek agud nga gilayon nga mapasakaan sang nagakaigo nga kaso sa nahimo nga krimen.
Sa subong ginahibalo pa sang mga kapulisan ang motibo sa insidente kag naghingyo ang Lebak MPS sa publiko nga gilayon nga ipabalo sa ila ang lokasyon sang mga suspek.
Ginkilala ni Police Major Joel C Martinez, Chief of Police sang Lebak Municipal Police Station, ang mga napatay nga mag-asawa nga sanday Jimmy Lapat Capiceño Sr, 59 –anyos kag asawa sini nga si Aida Kamaman Capiceño, 58 -anyos, kag ang mga apo nga sanday Jimmy Pakamanan Capiceño Jr, 12- anyos kag ang 9 –anyos nga si Esmairha Demonteverde Capiceño.
Suno kay PMaj Martinez, gintiro sa ulo ang apat ka biktima nga nangin kabangdanan sang ila hinali nga kamatayon, samtang nakaluwas naman ang isa ka biktima nga nakaangkon sang igo sa tiil.
Samtang nakit-an naman sang kapulisan ang isa ka 10-anyos matapos nga nauna nga nareport nga missing.
Pahayag ni PMaj Martinez, ang mga biktima ang lunsay mga residente sang Center 1, Barangay Taguisa, Lebak, Sultan Kudarat , samtang ang mga suspek ang ginkilala kanday Den Den Rakman Saludin, Dick Datumanong kag isa ka wala nakilal-an nga suspek nga armado sang M16 rifle nga gingamit sa pagpatay sa mga biktima kag lunsay mga miyembro ng 104th MILF.
Base sa imbestigasyon samtang yara sa payag ang mga biktima, nakita ni Jimmy Lapat Capiceño Sr. ang tatlo ka mga suspek kag gintawag sila agud tanyagan nga mangape.
Apang matapos nga magkape nagluntad ang insidente sa diin ginpangtiro sang mga suspek ang mga biktima.
Angot sini ginmando ni Police Brigadier General Alexander C Tagum, Regional Director sang PRO12 sa mga imbestigador sang Lebak Municipal Police Station nga makig-angot sa mga barangay leaders sa Datu Karon kag hingyuon ang ila nga bulig sa pagkilala sa mga suspek agud nga gilayon nga mapasakaan sang nagakaigo nga kaso sa nahimo nga krimen.
Sa subong ginahibalo pa sang mga kapulisan ang motibo sa insidente kag naghingyo ang Lebak MPS sa publiko nga gilayon nga ipabalo sa ila ang lokasyon sang mga suspek.
Facebook Comments
