Napulo pa ka kaso sang Avian Influenza ukon bird flu narekord sa Tacurong City.

Nakarekord sang panibag-o nga napulo nga kaso sang Avian Influenza ukon bird flu ang City Veterinary Services Office sang Tacurong City subong nga semana.
Sa 21 ka mga reactors, napulo ang ginkumpirmar sang Bureau of Animal Industry – Animal Disease Diagnosis and Reference Laboratory (BAI-ADDRL) nga positibo sa H5N1 virus.
Ginpahayag ni Dr. Allan Alimajen, City Veterinarian sa ginpatigayon nga emergency meeting sang Avian Influenza Task Force (AITF) nga ang mga positibo nga poultry ang naghalin sa New Passi (2 positive cases), Rajah Muda (1 positive case), Baras (1 positive case) kag New Isabela (6 positive cases).
Ginkasubo ni Dr. Alimajen nga may napalusot nga infected nga manok ang live bird market bisan nga gin-advisan ang mga vendors nga i-quarantine ang mga ini.
Isa sa nabaligyaan sang infected nga manok ang may-yara sa subong sang infected nga mga hinuptan tungod sa transmission sang bird flu.
Liwat man nga ginpahanumdom sang lokal nga panggobyerno nga maghalong sa paglapta sang bird flu virus.
Likawan ang pag-transport kag pagbakal sang live poultry kag lutuon sang maayo ang mga karne sang nabakal nga manok, pato kag iban pa.
Dapat suno pa nga ipabalo gilayon sa City Vet sa tion nga naobserbaran nga may sintomas ang mga manok.
Angot sini anum pa ka mga reactive blood samples ang ginahulat nga kumpirmasyon halin sa BAI-ADDRL sa Luzon.
Sa kabug-usan may 15 na ka kaso sang bird flu nga narekord sa Tacurong City.
Facebook Comments