SALVADOR BENEDICTO – (Updated) Apat ang konpirmado nga patay, duha ka lalaki kag duha babaye sa natabo nga aksidente sini nga gab-i sa Talus, Barangay Igmayaan.
Ini ang actual nga nakit-an ni Radyoman Yves Montecillo sa lugar sa diin natabo aksidente.
Duha palang sa apat ang identified nga napatay amu sanday Leonida Raynera kag Jason Ilagan.
Halin sa highway, nahulog ang Ceres bus mga 40 ka tapak sa diin may kabudlayan ang mga rescuers nga makadtuan ang bus bangod indi pa establi ang iya posisyon.
Plano sang mga rescuers nga higtan ang bus para masulod nila ini bangod delikado kay madalom pa pil-as sa tion nga magligid kon mauyog.
Nagakaya ang bus nga kitaon naman ang iya reda kag makina halin sa highway.
Ang bus ang halin pa sa San Carlos City baliskad sa una nga report nga ini ang halin sa Bacolod City.
Karga sini ang mas o menos 12 tubtob 16 ka pasahero.
May ginasiling apat pa ka mga pasahero nga ara sa sulod sang bus ukon nahulog nga padayon pa ginapangita sang mga rescuers.
Ang iban naman ang ginpangdala na sa ospital.
