Fraternity brother ni Mayor RCL giluba sa gitouhang sakop sa gang Walay pili ang grupo sa mga lalaki kung motira ug biktima tungod kay bisan ang kauban sa fraternity sa mga tag-as nga opisyal sa local nga kagamhanan sa Butuan ug sa kwerpo sa kapulisan ang gi-tripan pagdunggab sa wala maila nga grupo sa mga lalaki duol sa Calda Pizza sa Capitol Drive ning syudad sa Butuan. Giila ang biktima nga si Edward Christopher Lincuna, 44 anyu minyu, residenti sa dakbayan sa Butuan ug membro sa fraternity nga Alpha Phi Omega (APO), ang fraternity nila ni Mayor Ronnievic Lagnada, Cong. Law Fortun, City Councilor Ehrnest John Sanchez ug PSupt. Excelso Lazaga, ang deputy City Director sa Butuan City Police Office (BCPO). Gibutyag ni PSI Paul Paden, station commander sa Police Station 1 nga padayun pa ang ilang imbistigasyon sa hitabu pinaagi sa pagkuha sa CCTV footage sa Calda Pizza aron maila ang lima ka mga suspek nga midunggab sa biktima diin hangtud karon wala pa’y matumbok ang kapulisan kung unsay motibo sa pagdunggab. Nahitabu ang insidenti luyu nga gihingusgan sa PNP ang pagpatuman sa curfew hour sa mga minor de edad ug ang kamandoan nga pagbungkag sa sa mga Gang dinhi sa syudad. Sa karon anaa na sa luwas nga kahimtang ang biktima kinsa padayung gitambalan sa Butuan Doctors Hospital. Sent from my Samsung Galaxy smartphone.
