Walay mga dagkong lideres gikan simbahang katoliko sa tibook nasud sa Pilipinas nga gi-imbitar sa funeral ni Archbishop Jesus Tuquib sa Miyerkules Agosto siyete.
Mao kini ang gibutyag ni Monsignor Perseus Cabunoc ang Vicar General sa Archdiocese sa Cagayan de Oro ug Parish Priest sa Nazareno church.
Matud ni Cabunoc nga bisan ang mga lideres sa lain laing simbahan o religious groups walay ilang imbitasyon.
Gibutyag ni Cabunoc nga igo na alang kanila nga ilang ipahibalo sa publiko nga patay na si Bishop Tuquib.
Matud ni Canuboc nga wala usay mga officials sa gobyerno nga ilang gi-imbitar gawas lamang nga ilang i-welcome kon mo-attend sila sa paglubong sa namatay nga Obispo nga ilang ipahigayon sa likod sa San Agustin Metropolitan Cathedral.
Nasayran nga ang patayng lawas ni Archbishop Tuquib, ilubong sa alas nuybe sa buntag sa Agosto siyete human sa santos nga misa nga pangunahan ni Bishop Antonio Ledesma.
