Aripintido

ARIPINTIDO EL CARPINTERO SI ABDULASIS CABAYACRUZ LAPUJI MIENTRAS TA CUNTA LE HISTORYA QUEMANERA LE YA ENTRA MATA CON EL 74-AÑOS DE EDAD SI ROBERTO GOMEZ AWIT MIENTRAS TA DORME ESTE ADENTRO NA SU CASA NA CAPUTATAN PUTIK AYER MADROGADA.
ASEGUN CON LAPUJI YA RABYA LE CON AWIT QUE FUERA YA HARYA CANILA NA TIERA DONDE SILA TA ESTA QUE TA DWEÑA SI AWIT, PIRMI PA DAO ESTE TA HABLA MAL PALABRA CONELE.
PORESO MADROGADA AYER, YA MAN TACLAS LE NA CASA DI AWIT YA PASA ARIBA DEL DIN-DIN SERCA NA TECHO DONDE NOHAY PA CABA TRANCA, Y YA USA LE ESCALERA Y DESPUES YA ENTRA LE DERECHO NA PUSENTO DI AWIT DONDE ESTE BIEN DORMIDO ADENTRO PA DEL MOSQUETERO.
CIENDO JENDEH SI AWIT JUNTO TA DORME CONSU LIVE-IN-PARTNER SI ZENAIDA RODRIGO QUIEN NA OTRO PUSENTO TAMEN TA DORME, NOHAY PASA TORMENTO SI LAPUJI PARA MATA CON AWIT PORMEDIO DE EMBONA DE MARTILIO NA SU CABESA.
NOHAY MAS DESPERTA SI AWIT Y YAN DERECHO-DERECHO YA LANG SU SUEÑO.
MAN ALAS SIETE YA DEL AGA CUANDO YA DESCUBRI SI ZENAIDA MUERTO YA SU ESPOSO.
MIENTRAS TA IMBESTIGA EL MAGA PULIS NA LUGAR DEL SOAESO, YA RENDI TAMEN CANILA SI LAPUJI.
MIENTRAS NA CALABOSO, BIEN ARPINTIDO AI LAPUJI PORQUE LE YA HACE AQUEL COSA CON EL VICTIMA CIENDO MAN AMIGO SILA Y ELE PA EL CARPENTERO DI AWIT Y YA DALE PA CANILA QUEDA MA DE ESTE TERRENO CUANTOS METRO LANG DISTANCIA DESDE NA SU CASA.
SI LAPUJI EL ENFRENTA CASO DE MURDER NA CORTE.