CALATRAVA, NEGROS OCCIDENTAL – Tatlo ang patay sa bahin sang armado nga grupo nga naka-enkwentro sang tropa sang gobierno kagab-i sa Brgy. Camayobo sa banwa sang Calatrava.
Base se impormayon nga ginpagwa sang Regional Mobile Force Battalion-6, may mga las 10:55 kagab-i ang mga katapo sang 605th Mobile Company sa pagpanguna ni PCI Yolando Lago Jr. kag PSI Ryan Villasario upod ang 15 ka iban pa nga miembro ang nagapatigayon sang minor operation sang ini sila ang naka-enkwentro sang armado nga grupo.
Ini ang nagresulta sa tatlo ka mga killed in action sa bahin sang mga suspek nga amu sanday Sabino Mancao, group leader upod sanday Ramil Castor kag Emar Himang.
Dakop naman sanday Romnick Octavio, 28, sang Purok 3, Carabalan, Himamaylan nga nakuhaan sang .357 nga revolver nga may lima ka bala kaangay man ni Pepe Lausa, 51, sang Barangay Cambayabo, Calatrava kag isa ka babaye nga si Josei Castor, 42, sang Barangay Bug-ang, Toboso nga nakuhaan sang kalibre .38 nga pistola.
Nakapalagyo naman ang tatlo nila ka mga kaupdanan.
Magluwas dira narecover man sacrime scene halin sa armado nga grupo ang isa ka KG9 pistol, isa ka shotgun kag isa ka .38 calibre nga armas lakip na ang nagkalain-lain nga bala.
Wala sang may nasamaran ukon casualty sa bahin sang tropa sang gobierno./dyHB BACOLOD
